15.08.15: Bryllaupet til Monica og Ole Martin

Det er på tide å fortelje om ein av dei kjekkaste hendingane i sommar!

 

Det siste som skjedde i sommar før eg returnerte til Bergen var at mi aller godaste Monica gifta seg med ein annan god venn, Ole Martin. Eg (og fine Therese) var så heldige å få vere forlovarar til Monica. I forkant av bryllaupet hadde vi sjølvsagt arrangert eit utdrikningslag der bruda vart køyrd til Bergen for ein dag full av artige sprell og god mat. Vi fekk også delta mykje i førebuingane til sjølve bryllaupet, noko som var veldig stas. Då den store dagen kom var det fint vêr og vi jentene var tidlig på plass på frisøren der vi alle fekk stelt håret og Monica i tillegg fekk ordna sminke. Nervane bygde seg opp etterkvart og då vi sette oss i bilen for å køyre til kyrkja innsåg alle (spesielt bruda) at SHIT, no skjer det!

Brudepar, forlovarar og brudepiker utanfor Volda kyrkje. Hurra!

Nydeleg brud og stolt forlovar!

Det vart ein fantastisk dag med nydelig seremoni i kyrkja, ei vakker fotografering i Romedalen og ikkje minst ein fantastisk middag og bryllaupsfest. Eg visste at det kom til å verte ein følelsesladda dag, men at det skulle verte SÅ gale hadde eg ikkje forventa. Eg trur tårene rann jamnt og trutt frå kyrkjedørene åpna seg og Monica kom gåande saman med far sin, til seint utpå kveld etter at eg endeleg fekk hatt forlovartalen min (og der tok tårene kaka!!). Eg er så utruleg takksam for å ha delt denne dagen med to personar som betyr mykje for meg, og for en dag det vart!

Glade forlovarar i Romedalen

Just married!

Nydeleg brudepar!

Forøvrig har desse to flytta heim til Volda. Eg og Monica har budd på same stad heile livet, først heime på Sunnmøre og deretter fem år ilag i Bergen. Det er fryktelig rart å vere i Bergen utan henne, men heldigvis er vi flinke å prate saman og det kjem nok ikkje til å gi seg med det første. Eg er glad i deg, bestevenn!

 

Ingen kommentarer

Skriv en ny kommentar

Karina Dale

Karina Dale

24, Volda

Karina Dale. Fjellglad Sunnmørsjente som har villa seg til Bergen. Har ei mastergrad i molekylærbiologi, er over snittet glad i trening, god mat og sosiale hendingar.

Kategorier

Arkiv

hits